Correspondencia

Ábrese a inscrición para participar nun concerto de campás nas Festas de San Telmo >>>


Ábrese a inscrición para participar nun concerto de campás nas Festas de San Telmo
>>>


O Concello de Tui o libro “Teatro de Tui”
>>>


Até o 19 de abril pódense presentar as solicitudes para participar
na XXIII Feira de Artesanía de Tui
>>>


 

Carlos Pérez-Fonterosa será o pregoeiro das Festas de San Telmo 2019

Recoñecido internacionalmente pola súa colección de selos do Camiño de Santiago, foi un dos fundadores do Grupo Numismático e Filatélico Tudense

Carlos Pérez-Fonterosa Antón é un recoñecido comerciante de Tui, agora xubilado, que fixo da súa afección aos selos a súa paixón. Despois de 81 nos como coleccionista atesoura miles  de selos, sendo a súa colección sobre o Camiño de Santiago unha das máis valiosas do noso país, gañando varios certames. Esta colección do Camiño, viaxou recentemente ata a China da man da Embaixada Española naquel país. Este filatelista tudense, que cumpre o próximo mes de agosto 90 anos, continúa cultivando  unha afección que naceu de neno, e que o levou xunto con outros once amigos a fundar ao Grupo Filatélico e Numismático tudense, do que foi o presidente durante sete anos. Foi tamén tenente de alcalde do Concello de Tui durante o  mandato do alcalde Casal Aboy.
  Na súa longa traxectoria no mundo da filatelia conseguiu para Tui a edición de oito selos dedicados a distintos monumentos ou lugares do municipio, algo do que se sinte “especialmente orgulloso”
  Para Carlos Pérez-Fonterosa este nomeamento éncheo de orgullo e pensa que é unha honra inmerecida si se comparan os seus méritos cos dos seus predecesores, pero: “en amor a Tui a iso non me gaña ningún deles” e iso foi precisamente, o seu amor a nosa cidade o que o levou a aceptar esta distinción.
  Carlos Vázquez Padín, alcalde de Tui, considera que Carlos Pérez-Fonterosa reúne as cualidades precisas para ser un magnífico pregoeiro: un amor incondicional por Tui unha dedicación continua a difundir o nome da nosa cidade polo mundo e unha paixón pola filatelia digna de recoñecemento.

 

A festa do Meixón terá dende este ano un selo distintivo

Celebrarase do 5 ao 29 de abril nos restaurantes, ao igual que o ano pasado


   Do 5 ao 29 de abril celebrarase en Tui a Festa do Meixón que dende este ano contará cun selo distintivo, creado pola deseñadora tudense Marta Fontán. No mesmo recóllese de xeito esquemático os elementos patrimoniais e naturais da cidade, así como unha referencia ao río Miño, aos pescadores de Meixón o escudo de Tui e de Valença. O selo ilustrará tanto os carteis, coma as cazolas e os establecementos participantes na festa.
 

  Co mesmo búscase dotar dunha imaxe corporativa a este evento, cunha imaxe atemporal que poderá ser empregada en todas as edicións.
  A Festa do Meixón celebrarase do 5 ao 29 de abril co mesmo formato da edición do ano pasado, e dicir o meixón servirase cun prezo especial en establecementos hostaleiros, e restaurantes tudenses, que se adhiran a esta festa.
  O alcalde, Carlos Vázquez Padín, será o encargado da presentación oficial da festa que terá lugar o 5 de abril en Tui e o 6 de abril en Ourense. Este último será o primeiro dos concellos que acolla a presentación da festa fóra de Tui, nos próximos anos serán outros concellos galegos ou portugueses o escenario desta presentación.


 

         
 
   Organizada por «ATUCA» Amigos Tudenses de la Camelia, con la colaboración del Ayuntamiento de Tui, Diputación de Pontevedra y Sociedad Española de la Camelia